Рус Eng Каз
Бас бет | Келушіге | Репертуар | АИДА...

АИДА

Төрт бөлімді опера
Дж. Верди
Либреттосы А.Гисланцони
Қатысушылар:
Мысыр патшасы
Амнерис
Аида
Радамес
Рамфис
Аманасро
Жрица
Шабарман
I акт II акт III акт IV акт
Мемфистегі фараонның сарайына эфиоптардың шабуыл жасағаны туралы хабар жетті. Сарай күзетінің бастығы Радамес атағын шығаруды армандайды. Ол өзін полк қолбасшысы етіп сайлайды деп үміттенеді.Ерлігі үшін сүйген қызы- фараонның тұтқынындағы Аиданы босатуды талап етеді.
Патшаның қызы Амнерис Радаместің тұтқын қызға ғашықтығы жайлы сезетін. Оның күдігін Аиданың қобалжып-толқуы күшейте түседі. Фараон халыққа құдайлардың шешімін жеткізеді-египет әскерін Радамес бастап апарады.Аида не істерін білмейді. Радамеске деген махаббат пен әкесі-эфиоптардың патшасы Аманасроның тағдыры үшін қорқыныш-екеуі арпалысып жанын жегідей жейді. Ра құдайдың храмында Радаместі әскербасылыққа даярлау рәсімі өтіп жатыр.Абыздар құдайлардан Египет әскерінің жеңіске жетуін тілеп, құлшылық етуде.Бас абыз Радамеске қасиетті семсер ұсынады.

Эфиоптарды жеңіп оралған Радаместі Амнерис қуана күтуде.Аиданы көрген соң,оның күдігі мен қызғанышы арта түседі. Тұтқын қыздан шындыққа жету үшін,оған Радаместің өлгенін айтады.Аида қайғысын жасыра алмайды. Қахарланған Амнерис Аиданы қатты жазалайтынын айтады. Алаңнан кернейдің салтанатты үні естіледі.Аида құдайдан өзіне өлім тілейді. Ол махаббаттан бас тарта алмайды.

Халық жеңімпаздарды қуана қарсы алуда.Фараонның алдынан тұтқын эфиоптар өтуде. Олардың арасында Амансро да бар.Өзіне ұмтылған Аидаға ол өзінің патша екендігін ешкім білмеуі керектігін ескертіп үлгіреді. Тұтқындар өздеріне бостандық берілуін сұрайды. Олардың тілегін бүкіл халық қоштайды.Рамфистің ақылымен фараон Аида мен оның әкесін кепілдікке қалдыруға ұйғарады. Радамеске сый ретінде өзінің қызын ұсынады. Амнерис Аиданың қайғырғанын көріп, масаттанады...
Түн. Нилдің жағасы. Изиданың храмында Амнерис Радамеспен некелесуге дайындалуда. Мәңгілікке қоштасу үшін Аида өзінің сүйіктісін күтуде.Өзінің туған елін қайтадан ешқашанда көре алмайтындығын ойлап,мұңға батады... Аманасро келеді.Ол қызының Радамеске ғашық екендігін біледі.Эфиоптардың көсемі Аидаға туған елдегі азат та бақытты өмірді айтып,одан Радаместің әскерін қай жолмен әкелетінін білуді талап етеді. Айтқанына көнбеген қызын қарғап,ол патшаның қызы емес, фараонның күңі екендігін айтады. Өзінің махаббатын туған елі үшін құрбандыққа шалуды жөн көрген Аида қиналса да әкесінің талабын орындауға мәжбүр.
Радаместің келе жатқанын көрген Аманасро тығылып қалады.Радамес өзін Аидамен бақытты боламын деп сенеді.Аида алда тұрған кедергілерден құтылудың жолы-Эфиопияға қашу екенін түсіндіруге тырысады. Радамеске туған елін тастап кету мүмкін емес. Бірақ Аиданың жазғыруынан кейін ол келісуге мәжбүр.Аиданың Египет әскерінің жүретін бағыты жайлы сұрағына ешқандай күмансыз Радамес құпияны ашып береді. Эфиоптардың жеңетіндігіне сенімді Аманасро келеді.Радамес өз еркінен тыс отанына опасыздық жасағандығын түсініп, қатты қайғырады. Қашуға тым кеш-храмнан шығып келе жаьқан Рамфисті көрген Радамес оның аяғына жығылады.

Сарайдың үңгірінде Радаместің соты басталмақ.Амнерис Радаместен Аидадан бас тартуын сұрайды.Оған өзінің махаббаты мен Египеттің тәжін беретінін айтады.Радамес көнбейді. Фараонның қызы біресе Радаместі қарғайды, біресе құдайлардан оның жанын алып қалуды сұрайды. Рамфис Радамеске үкім шығарады- осы үңгірде ол тірідей көмілуі керек.

Радамес өмірінің соңғы сәтінде ғашығы жайлы ойлайды. Радамеспен бірге өлуге бекінген Аида келеді.Енді оларды ешкім айыра алмайды. Храмнан ән әуені естіледі.Үңгірдің аузын жапқан тастың алдына келіп,Амнерис мұңға шомады.