Рус Eng Каз
Бас бет | Репертуар | ТРАВИАТА...

ТРАВИАТА

Джузеппе Верди
Травиата
А. Дюма (ұлы) «Дама с камелиями» драмасы бойынша
Либреттосы Ф. Пиаве
Екі актілі опера
Спектакльде бір үзіліс бар

Ұзақтығы: 2 сағат 20 минут

Жас санаты: 10+

Опера итальян тілінде, қазақ және орыс тілдеріндегі синхронды субтитрлердің сүйемелдеуімен орындалады

 

 

Қатысушылар:

Виолетта Валери (сопрано)

Флора Бервуа (меццо-сопрано)

Аннина (сопрано)

Альфред Жермон (тенор)

Жорж Жермон, әкесі (баритон)

Гастон, виконт де Леторьер (тенор)

Барон Дуфоль (баритон)

Маркиз д’ Обиньи (бас)

Доктор Гренвиль (бас)

 

Абай атындағы Қазақ ұлттық опера және балет театрының симфониялық оркестрі, хор және балеті

 

 

Қойылымдық топ:

Режиссер – Ляйлим Имангазина, ҚР еңбек сіңірген қайраткері

Суретші– Вячеслав Окунев, Ресейдің халық әртісі, РФ мен Қазақстан Республикасы Мемлекеттік сыйлықтарының лауреаты

Бас хормейстер – Алия Темирбекова

Бас балетмейстер – Гульжан Туткибаева, ҚР халық әртісі

I акт II акт III акт IV акт

Виолетта Валеридің үйінде көңілді кеш өтіп жатыр. Қонақтардың арасында Альфред Жермон да бар.Ол бір көргеннен Виолеттаға ғашық болып қалдаы. Альфред қонақтардың сұрауы бойынша махаббат пен шаттық гимнін айтады.Ол Виолеттадан өзінің сезімдеріне жауап беруін ,ғашықтығына сенуін сұрайды.Бірақ Виолетта Альфредтің құштарлық сезімдеріне қалжыңмен жауап қайтарады. Ол оған олардың болашақ кездесуінің кепілі-гүл ұсынады. Қонақтар тарайды.Виолетта жалғыз қалады,Ол қатты толқыныспен Альфредтің сөздерін есіне түсіреді. Оның өмірінде алғаш рет жаңа сезім- махаббат оянды.

Виолетта мен Альфред Парижден кетеді. Қала сыртындағы оңаша мекенде олар бақытты сәттерді бастарынан кешіреді.Альфредтің алаңсыз ойын Виолеттаның қызметшісі Аннинаның Виолетта өзінің заттарын құпия түрде сатып жатқандығын айтуы бұзады. Сүйіктісінің құрбандығына тәнті болған Альфред қаржы мәселесін шешу үшін Парижге аттанады.Виолетта келген хаттарды қарап отырып,өзінің байырғы құрбысы Флораның балға шақыртуын көргенімен, хатқа ешқандай назар аудармайды. Альфредтің әкесі Жорж Жермон келеді.Ол Виолеттаны ұлының өмірінің шырқын бұзғаны, отбасының абыройын төккені үшін айыптайды.
Виолеттаны өзінің өмірдегі жалғыз қуанышы- Альфредтің махаббатынан айырылу екендігі қатты қынжылтады. Жермонның өтінішінен бас тарта алмаған Виолетта өз махааббатын құрбан етуге шешеді. Ол сүйіктісіне қоштасу хатын жолдайды.Виолеттаның хаты Альфредті қатты күйіндіреді. Жермон келіп,ол ұлына туған жері Провансқа оралуды ұсынады. Альфред стол үстінде жатқан Флораның хатын көріп қалып,Виолеттаның оның өмірінен біржолата кеткендігіне көзі жетеді.Қызғаныш оты кернеген жігіт опасыздық үшін өш алу үшін Парижге асығыс аттанады

Флораның үйіндегі бал-маскарад қызып жатыр.Карта ойнвйтын столдағы ойыншылардың арасында Альфред те бар.Барон Дуфоль мен Виолетта келеді.Флора оларды қуана қарсы алады,Виолетта үшін ешқандай қызық жоқ.Ол өзінің сүйіктісімен айырылысқанына қатты қиналуда. Альфред баронмен ерегесіп қалады, оның өмірі үшін қобалжыған Виолетта жекпе-жекті тоқтатуға тырысады. Бірақ өзінің алданғанына сенімді Альфред қонақтардың көзінше оны масқаралап, бетіне “махаббаттыңның құны” деп ақша лақтырады.

Ауру мен қайғы жеңген Виолетта күн сайын әлсіреп барады.Доктор Гренвиль оны жұбатқанымен ол өзінің соңғы сәті жақындағанына сенімді. Виолетта қызметшісінен барлық ақшаны кедейлерге таратып беруін сұрайды. Жалғыз қалған соң Жермонның хатын қайталап оқиды. Ұлының қайтып келетіні жайлы жеткізген ол Альфредке барлық шындықты айтқанын хабарлайды. Даладан көңілді мереке дауысы естіледі.Жүгіріп кірген Аннина Альфредтің оралғанын айтады. Ғашықтардың бақытында шек жоқ.Олар Парижден кетіп, жаңа өмір бастауға ұйғарады.Енді оларды ешкім де айыра алмайды.Виолетта әлсіреп барады. Жермон өкінішке орай өзінің Альфред пен Виолеттаның некесіне берген келісімі тым кеш келгеніне сенімді. Виолетта соңғы демі шығарда Альфредке ұмтылып, оның құшағында көз жұмады.