МАХАББАТ ТУРАЛЫ АҢЫЗ

Мехмене Банудың үйінде үлкен қайғы –жас Шырын өлім аузында.

Уәзір мен сарай қызметшілірі қорқыныш сезімінде. Мехменэ торығуда.

Күтпеген жерден пайда болған Бейтаныс ханшайымды аман алып калуға дайын, тек ол үшін Мехменэ өз сұлулығын құрбан етуі керек екенін айтады.

Сүйікті сіңілісінің өмірін сақтап қалу үшін Мехменэ Бану Бейтаныс адамның шартын қабылдайды. Шырын сауығып кетеді.

Сарай бағында жас суретші Ферхад күтпеген жерден сарай күзеті мен қызметкерлері арасында келе жатқан Мехменэ Бану патшайым мен оның сіңлісі Шырынды кездестіреді. Апалы-сіңілілер Ферхадты ұнатып қалып, екеуінің жүректерінде жас жігітке деген махаббат сезімі оянады.

Шеру кете барады. Жас Шырынның сұлулығы Ферхадты баурап алады.

Шырын Ферхадты көргісі келіп, жасырынып баққа қайта келеді. Қыз бен жас жігіт бір біріне құмартады.

Мехменэ Банудың Ферхадқа деген махаббат сезімі билейді. Сұлу бозбаладан басқа ешкімді ойлай алмайды. Сұлулығынан айырылған ол, Ферхадтың махаббатына қолы жетпейтінін түсінеді.

Жас Шырын сүйіктісімен бақытты болуды армандайды. Ол үрейлі және қуанышты кездесулерді күтеді.

Ферхад Шырынның бөлмесіне ұрланып кіріп, ғашықтар сарайдан қашады. Қызғаныштан Мехменэ Бану ғашықтарды ұстап әкелуін бұйырады. Қуғыншылар қашқындарды қуып жетеді.

Ғашықтар бақытты болуға мүмкіндік берулерін сұрайды. Бірақ бәрі нәтижесіз. Мехменэ Бану Ферхадқа қиын шарт қояды: ол халықтың тұрмыс көзі болып табылатын су жолын жауып тұрған темір тауды тесіп шыға алса, Шырын екеуіне рұқсат беретінін айтады. Ферхад махаббат үшін бәріне дайын. Ол Шырынмен қоштасады.

Ферхад тауда. Оған судың жолын ашып және оның сүйікті Шырынның бейнесі елестейді.

Мехменэ Бану патшайымға Ферхадқа деген махабат пен құштарлық маза бермейді. Өзінің қиялында ол қайта сұлу кейпінде және Ферхад оны сүйеді. Шырын Мехменэ Банудың қиял ойын бұзады. Ол әпкесінен Ферхадты қайтарып беруін өтінеді.

Үлкен үміт жұртты тауға алып келеді. Егер Ферхад ерлікке қол жеткізсе, олардың өмірі құтқарылады.

Нөкерлерімен Мехменэ Бану мен Шырын да келеді. Ғашықтар кездескендеріне қуанып, бір бірін құшады. Патшайым Ферхадқа Шырынды беруге келісімін береді, бірақ жігіт халықты шөлден құтқарамын деген шешімінен бас тарта алмайды.

Мехменэ Бану мен Шырын Ферхадтын махаббатын құрбан еткен үлкен ерлігіне бас иеді.