Г.Доницетти "МАХАББАТ СУСЫНЫ"

22/01 - 18:00

*театрға келген кезде маска режимін және әлеуметтік қашықтықты сақтау маңызды

 

*көрермендер залында сатып алынған билетте көрсетілген орындарға отыруларыңызды өтінеміз

 

*Құрметті көрермендер!

Абай атындағы ҚазҰАОБТ негізгі қызметін қауіпсіз жүргізу бойынша "Ашық" қосымшасының пилоттық жобасының қатысушысы болып табылады,

бағдарлама аясында театрға барудың арнайы ережелері әзірленді, олармен спектакльдерге барар алдында танысу қажет.

 

 

Құрметті көрермен қауым!

Біз үшін бұл жаңалықты жариялау өте ауыр әрі өкінішті болса да...

Қаңтар айындағы қайғылы оқиғаларға және Алматы қ-да енгізілген төтенше жағдайға байланысты, және Алматы қаласының Бас мемлекеттік санитарлық дәрігерінің 13.01.2022 жылғы № 1 қаулысы аясында, қаңтар айында өтетін барлық шаралардың тоқтатылуын жариялауға мәжбүрміз.

 

Тоқтатылған қойылымдарды кейінге қалдыруды ескере отырып, біз осы аптада жаңа репертуар дайындадық, бірақ карантиндік шаралар қанша уақытқа созылатыны туралы нақты ақпарат болмағандықтан, кейінге қалдыру өзектілігін жойды.

 

Билеттерді қайтаруға қатысты маңызды мәселе.

1.Егер билеттер онлайн режимінде (театрдың веб-сайтына немесе Ticketon билет жүйесіне өту арқылы) сатып алынған болса, сізге ақша біртіндеп қайтарылады. Сондай-ақ, сіз Ticketon тұтынушыларды қолдау қызметіне тікелей хабарласа аласыз:

help@ticketon.kz

+7 (771) 936-53-53 – WhatsApp / Telegram

Көптеген бас тартуларға байланысты қазір жұмыс салмағы өсетін әріптестерімізге түсіністікпен қарауларыңызды сұраймыз.

 

2.Егер билеттер театр кассасында сатып алынған болса.

Билетті қайтару үшін театр кассасына тікелей хабарласып, қайтарылатын билеттердің түпнұсқасы мен жеке басын куәландыратын құжатты өзіңізбен бірге алып келуіңіз қажет.

Маңызды! Касса тек 25 қаңтардан бастап келесі кестеге сәйкес жұмыс істей бастайды: күн сайын сағат 10.00-ден 17.00-ге дейін (үзіліс 14.00-ден 15.00-ге дейін).

 

Билеттерді қайтару 25 қаңтар мен 9 ақпан аралығында жүзеге асырылады.

 

Тоқтатылған спектакльдердің билеттері театр болашақтағы іс-шараларына жарамсыз болады.

 

 

Басқа қалай көмектесе аламыз?

Кез келген ақпарат алу үшін бізге хабарламалар арқылы хабарласуға болады

WhatsApp : +7 776 830 7808

E-mail: theatreabay@gatob.kz

 

 

 

Әрқайсыңызға түсіністік пен қолдау көрсеткеніңіз үшін шын жүректен алғыс айтамыз.

Алдағы кездесулерімізге сенеміз!

Абай атындағы ҚазҰОБТ ұжымы

 

 

11 | 11 | 2021

19.00

 

Ахмет Жұбанов, Латыф Хамиди

Либреттосы Мұхтар Әуезов

"АБАЙ"

3 бөлімді опера

Спектакльде екі үзіліс бар.

Ұзақтығы: 2 сағат 40 минут

Жас санаты: 10+

Опера қазақша синхронды орыс және ағылшын субтитрлерімен орындалды

 

«Абай» операсы – Қазақстанның опера өнерінің ең үздік жетістіктерінің бірі. Бұл – Қазақтың қазіргі заманғы мәдениетінің негізін қалаған үштік – композиторлар А.Жұбанов пен Л. Хамидидің, жазушы М.Әуезовтің ұлы музыкалық және сахналық шығармасы, ол әлі күнге дейін өзінің классикалық дүниетанымында операның жетілу шыңына көтерілудің белгілі бір нәтижесі болып көрінеді.

Опера либреттосын Мұхтар Әуезов өзінің «Абай жолы» романына негізделе отырып жазған. Романның кейіпкері - белгілі қазақ ағартушысы, философ, ақын, жазушы, қоғам қайраткері, қазіргі қазақ жазба әдебиетінің негізін қалаушы, орыс және еуропалық мәдениетті жақындастыру рухындағы мәдениеттің реформаторы - Абай Құнанбаев (1845-1904).

Музыканың авторлары - көрнекті музыкатанушы, дирижер, Қазақстанның музыкалық білімінің негізін қалаушылардың бірі Ахмет Жұбанов және композитор, көптеген романстар мен вальстердің авторы Латиф Хамиди болды.

Операны жазудағы бастапқы нүкте Ахмет Жұбановтың Мұхтар Әуезовтың аттас драмалық спектакліне жазған музыкасы болып табылады. Сонау 1940 жылы Ахмет Қуанұлы пьеса авторына толықдрамалық спектакльдің сюжетін негізге алып, алайда мәтінді қоюлатып, қысқартып операға либретто жазып беруін өтінеді.

Спектакльдің алғашқы режиссері Құрманбек Жандарбеков, декорация суретшісі Құлахмет Қожықов, дирижері Леонид Шаргородский болды. Бас партияларды тұңғыш орындаушылардың бірі көрнекті опера баритоны, КСРО Халық әртісі – Ришат Абдуллин (1916-1988). Оның өнердегі мансабында көпеген жарқын образдар сахналанды: «Евгений Онегин» операсындағы Онегин, «Ер-Тарғындағы» Тарғын және «Біржан-Сарадағы» Қожақұл, алайда Абай бейнесін ол бәрінен де ұзақ, яғни 80-ші жылдардың ортасына дейін сомдады. Кейінірек бұл образды Қанабек Байсейітов, Ермек Серкебаев және Ғафиз Есімов сомдады, Күләш Байсейітова, Шабал Бейсекова және Роза Жаманова Ажар рөлінде гауһардай жарқырады, Әнуарбек Үмбетбаев, Байғали Досымжанов, Нариман Қаражігітов және Әлібек Дінішевтер ғашық Айдардың бейнесін сахнада талай сомдаған.

билетті сатып алу