ҰЛЫ ДАЛА АҢЫЗЫ

Шетсіз-шексіз Ұлы даланы ғасырлар бойы Дала рухы қолдап,қорғап келеді.Осындай қарасаң көз жетпейтін аумақты алып жатқан Ұлы Даланың бар байлығына жеке иелік ету жолында ешқашанда аяқталмайтын соғыс,жаугершілікпен күн кешкен ұлыстар... Атақты ,қуатты бір ұлыстың Сұлтаны өз халқының атақ-даңқын арттыру мақсатында өзінің жалғыз қызын қахарман батырға күйеуге беруге шешіп, Даланың барлық батырларының сайысы жайлы хабармен жан-жаққа шабармандар аттандырады

Көптен күткен сайыс күні де келіп жетті,жиналғандардың санында шек жоқ.Әр Ұлыс Сұлтанның елімен туысқан,жақын болғысы келеді, Әркім өз батырына жеңіс тілейді,көпшіліктің көтеріңкі көңіл-күйі шарасынан асып төгілгендей !

Әлі балалықтың бал шағынан ажырамаған Сұлтанның қызы ғана құрбыларымен алаңсыз ойнап жүріп, айналасында болып жатқан оқиғалардан мүлдем бейхабар. Ол қыздармен бірге далаға кетіп, “Соқыр теке”, “Жасырынбақ” ойнап, мәз-мәйрам болуда.Олардың күмістей сыңғырлаған дауыстары бүкіл айналаны жаңғыртады.

Кенет асыр салып жүрген қыздардың қасынан аңшылар соңынан қуған, зәресі ұшқан елік өтеді. Қуғыншыларды бастап келе жатқан көрші ұлыстың Сұлтанының баласы-жас батыр. Ол өзінің құмарлығы-аңшылық үшін тіпті сайысқа қатысуға да бармаған. Зәресі ұшып қорыққан қыздар Сұлтанның қызын жалғыз тастап, тұра қашады.

Жас батыр қыздың сұлулығына тәнті болып, қуғынды тоқтатады.Тосын сезім бойларын билеген екі жас оңаша қалады...Айнала бір сәтте өзгеріп сала береді- дала олармен бірге қуанып,дүр сілкінгендей !

Айналасында болып жатқан оқиғаларды елемеген екі жас өздерінің алдағы баянды болашақтары жайлы армандайды, айырылысарда бір-біріне деген адалдықтары туралы серттеседі...

Олардың бақытты кездесуінің күтпеген куәгерлері- жау тыңшыларының қырағы көзі олардың басқан ізін аңдуда. Олар түн қараңғылығын жамылып,қызды әкесінің сарайынан ұрлап әкетеді.

Сұлтанның елін қайғы басты...

Жау әскерінің басшысы өзінің нөкерлерінің ортасында Ұлы Даланың қираған қалалары мен қиналған халқын билеп-төстеу, жерлерін басып алу жөніндегі жоспарымен бөлісуде.

Қайта оралған тыңшылар қуанышты хабар әкеледі . Дала халқы шабуыл қатерінен бейхабар, оның үстіне олар Сұлтанның сұлу қызын ұрлап әкелді !

Тұтқын қыздың көз тоймайтын сұлулығынан құштарлық сезімі оянған әскербасының жүрегінде махаббат сезімі оянады, бірақ қыз одан бас тартады.

Ашуға булыққан ол өз әскеріне соғысқа дайындалуға бұйырады. Ғашығының ұрланғаны жайлы хабарға қатты қапаланған Жас батыр далаға кетіп,өзінің қайғы-қасыреті мен мұңын шағады. Кенет дауыл соғып, жас жігіттің алдынан Дала рухының елесі көрінеді. Ол жас батырға еліне үлкен қатер төнгенін

айтып, қиын сәтте жеке басының қайғысына берілмей,Ұлы даланы- Отанын қорғауға шақырады !

Көз алдынан өткен елестен есін жиған Жас батыр туған жерінің тағдырына алаңдап, қаптаған жауға қарсы тұрудың жалғыз жолы- Ұлы даланы мекендеген барлық ұлыстардың басын қосып, Отан-ананың бақытты болашағы жолында біріктіру екендігін түсінеді. Оның басты мақсаты мен міндеті-өзінің осы қасиетті ойын даланың әр перзентінің жүрегіне жеткізу!

Туған жер үшін аласапыран соғыста жау әскері жеңіліске ұшырады.Жас батырдың жеңіс жалауының астына жиналған халықтың қуанышында шек жоқ.

Ғашықтар аңсаған арманына жетіп, өз бақыттарына ие болды. Өзінің шынайы күш-қайратына,бірлік-берекесіне сенімді халық шын жүректен ұлы қазақ даласының Ұлы ханы болған -жас батырдың даңқын асырып, мадақтап, марапаттайды...