Л. Минкус
Либреттосы М.Петипа мен С.Худековтікі
М.Петипаның қойылымында
В.Пономарев пен В.Чабукианидің өңдеуінде
Қатысушылар:
Дугманта, раджа
Гамзатти, оның қызы
Солор, жауынгер
Никия, баядерка
Алтын пұт
Ұлы брамин
Магедавея, факир
Толорагва, жауынгер
Факирлар, жігіттер, раджаның нөкерлері, қыздар, Гамзаттидің сеніміндегі адамдар, күң қыздар, браминдер, құлдар, жауынгерлер, баядеркалар, жаһанкез, музыканттар, аңшылар
Солордың басшылығымен жас жауынгерлер жолбарыс аулауға шығады. Орман ішіне кірмес бұрын Солор факир Магедавеяға баядерка Никияны түнде ғибадатхана жанында күтетінін айтуды тапсырады. Салтанатты түрде Ұлы брамин мен діни қызметкерлері ғибадатханадан шығады. Отқа табыну мейрамы басталады. Факирлер мен ғибадатхана қызметшілері – баядеркалар – киелі билерді билей бастайды. Олардың арасында осы салтанатқа көрік беріп тұрған – асқан сұлу Никия бар. Діни дәрежесі мен некелеспеу антын ұмытқан Ұлы брамин Никияға шынайы сезімін білдіріп, оған Үнді елінің бар байлығын аяғынын астына тастайтынын уәде етеді. Бірақ Никия одан бас тартады. Ол оны ешқашан сүйе алмайды. Никия басқа баядеркалармен бірге факирлерге киелі бұлақтан су ұсынады. Магедавея Никияға түнде Солор келетінін айтады. Никия бақытты.
Түн. Жасырын кездесу. Солор Никияны мәңгі сүйетінін айтып, адалдық антын береді. Ұлы брамин ғашықтардың әңгімесін тыңдап қояды.
Раджа Дугманта – князьдық басшы –қызы Гамзаттиға өзінің қалаулысын көретінін айтады. Раджа күйеу жігітті алып келуді бұйырады. Ол - батыр жауынгер Солор еді. Раджа өзінің ару қызын Солордың әйелі болатынын жариялайды. Жауынгер қыздың сұлулығына қайран қалады. Бірақ Солор абыржулы: ол баядерка Никияны сүйеді және оған адалдық антын берген.
Ұлы брамин келеді. Ол Раджаға құпия сыр айтпақшы. Гамзатти әкесімен браминнің әңгімесін естиді. Ұлы брамин Солор мен Никияның махабаты жайлы айтады. Дугманта Солорға қатты ашуланғанымен, өз шешімін өзгертпейді. Ол баядерка өлуі тиіс деп шешеді. Өз дұшпанынан құтылам деп үміттенген брамин оқиғанын бұлай аяқталуын күтпеген еді. Раджа бетінен қайтар емес.
Гамзатти күң қызға Никияны алып келуін бұйырады. Раджаның қызы баядеркаға жақында арада үйлену тойы болатынын және оны сол мерекеде билеуге шақырады. Гамзатти баядеркаға өзінің жігіті – Солордың суретін әдейі көрсетеді. Никия қатты ашынып, қарсылық білдіреді: Солор оны ғана сүйеді және Солор оған адалдық антын берген. Раджаның қызы Никияға Солордан бас тартуды бұйырады, бірақ баядерка сүйіктісінен айырылғанша өлгені артық екенін айтады. Никия ашуға беріліп, бақталасына қанжармен ұмтылады. Бірақ күң қыз дер кезінде келіп, баядерканы тоқтатады. Раджаның қызы Никияға өлім жазасына кесуді бұйырады.
Раджа сарайының алдындағы алаң. Гамзатти мен Солордың некелесуіне арналған салтанатты мереке .
Баядерка Никия өзінің биімен мерекеге қонақтардың көңілін аулауда. Ол өзінің қайғысын жасыра алар емес. Оның назары сүйіктісінде. Дугмантаның бұйыруымен күң қыз Никияға Солордың атынан гүл себетін ұсынады. Күтпеген жерден гүлдердің арасынан шыққан жылан Никияны шағып алады. Никия бұл раджаның қызының кек алуы екенін түсінеді.
Ұлы брамин Никияға у қайтаратын дәрі беретінін айтады. Бірақ баядерка өз махаббатына адал. Солор өлім алдында жатқан сүйіктісін құшақтайды.
Солор күйзеліп, қатты өкінуде. Ол кальян шегеді де ұйқыға кетеді. Оның көз алдына қараңғыдан аруақтар көріне бастайды. Олар тау шатқалынан ұзынынан тізбектеліп түсіп келеді. Солор олардың арасынан керемет Никияны көреді. Қыз оны шақырады...